وزیر اعلیٰ مسٹر شیو راج سنگھ چوہان نے کہا ہے کہ ریاست میں زیر تعمیر آبپاشی پروجیکٹوں کا کام تیز رفتار سے مقررہ وقت میں پورا کریں۔ انہوں نے کہا کہ کاموں میں معیار کا بھی پورا دھیان رکھا جائے۔ وزیر اعلیٰ مسٹر چوہان آج رہائش گاہ پر نرمدا کنٹرول بورڈ کی 74ویں میٹنگ کی صدارت کررہے تھے۔ وزیر مالیات مسٹر جگدیش دیوڑا، وزیر کسان بہبود اور زرعی ترقیات مسٹر کمل پٹیل، چیف سکریٹری مسٹر اقبال سنگھ بینس اور متعلقہ سینئر افسران موجود تھے۔ وزیر اعلیٰ مسٹر چوہان نے کہا کہ آبپاشی کے لئے کسانوں کو پانی دینا ریاستی حکومت کی ترجیحات ہے۔ آبپاشی پروجیکٹوں اور نہروں کو پورا کرکے پانی دینا شروع کیا جائے۔ وزیر اعلیٰ مسٹر چوہان نے ہدایت دی کہ آبپاشی پروجیکٹوں کے کام میں کسی بھی صورت میں تاخیر نہ ہو اور تاخیر ہونے سے متعلق شکایتیں سامنے نہیں آئیں۔ انہوں ے کہا کہ کنسٹریکشن کمپنیوں کے ذریعہ مقررہ وقت میں کام کیا جائے۔ ایڈیشنل چیف سکریٹری نرمدا گھاٹی ترقیات اتھارٹی مسٹر ایس این مشرا نے بتایا کہ دیواس، شاجاپور اور سیہور ضلع میں ایک لاکھ ہیکٹر رقبے میں مائیکرو آبپاشی سسٹم سے آبپاشی سہولت دستیاب کرانے کے لئے آئی ایس پی کالی سندھ لفٹ مائیکرو آبپاشی پروجیکٹ (اول مرحلہ) کا 70فیصد کام مکمل ہوچکا ہے۔ باقی کام مکمل کرنے کی طے شدہ وقت 31اکتوبر 2023تک بڑھائی جانا ہے۔ میٹنگ میں اندرا ساگر پروجیکٹ مین سٹی 155کلومیٹر سے 206کلو میٹر تک کے تعمیری کام اور مختلف پروجیکٹوں کے ٹیندر عمل کے سلسلے میں بھی گفتگو کی گئی۔
تبصرے
ایک تبصرہ شائع کریں